ازاي تذاكر الكيمياء 🌸
لمّا حد بيسألك عامل إيه فِ الثانوية وإيه أخبار المواد، بتنتهز الفرصة وبتفهمه إن الدنيا صعبة والمواد مبتتلمش، وبالأخص الكيمياء 😀 💔
ف تقوله بقى إنها مليانة معادلات مبتخلصش، وإن العضوية بتتبخر، وإن الاسئلة مبتتحلش، وإنه ممكن يجبلك سؤال صغير يطلب فيه 10 معادلات
وتفضل تتكلم بالأسلوب ال over ده وبتعيش فِ الدور بجد 😂
المشكلة بقى إنك كل ما بتقول كده بتدى لنفسك إشارات سلبية وبتعمل حاجز بينك وبين المادة 🚫
فأول حاجة لازم تاخد بالك منها إنك متحبطش نفسك ✋ ، لإنها زى أى مادة محتاجة وقت ومجهود، وناس كتير بتقفلها كل سنة 👍
هنذاكرها إزاى 👀 !المادة عندنا بتنقسم لجزئين ⬅
- كيمياء غير عضوية
- كيمياء عضوية .
✴ الكيمياء الغير عضوية :
عبارة عن 4 أبواب 😀 وأول باب هو 👇
- ❇ العناصر الانتقالية :
باب سهل وبسيط ومهم هتركز فيه علي النظرى واستخدامات العناصر وهتكتبها بإيدك علشان تثبت👌وكمان اسئلة علل اهتم بيها جدًا لأنها مهمة ولازم ييجى منها فِ الامتحان ✋طب بالنسبة لمعادلات الحديد❕ :
فِ البداية هنحفظ 5 معادلات بس فِ اليوم ✋ و فِ اليوم ال بعده هنراجع اللي 5 اللي حفظناهم وهنحفظ 5 تاني، وكل يوم هنزود خمسة لغاية م نحفظهم كلهم 😀بعد م نحفظهم هنعملهم فِ مخطط، ونحل أسئلة كتير سواء أسئلة تحويلات أو أسئلة عادية، هتلاقى الأسئلة بتتدرج معاك من الأسهل للأصعب والموضوع هيكون بسيط 😀
نيجى بقا للباب الثانى👇 :
- ❇ التحليل الكيميائي :
باب صغير وسهل 😀 النظرى اللي فيه مش كثير ✋وبالنسبة للمعادلات هتعمل نفس اللي عملته فوق☝بس اللي هيفرق هنا إنك هتعمل مقارنات علشان تفرق بين الكواشف، وكمان تفرق بين ألوان الرواسب والأبخرة ..
ممكن مثلًا تجمع كل الحاجات اللي لونها واحد وتحفظها مع بعضها✌أما بالنسبة للمسائل هتشوف أمثلة محلولة كتير، جمّع الأفكار قبل ما تحل هتلاقى الموضوع سهل جدًا ..
الباب الثالث👇 :
- ❇ الاتزان الكيميائي :
أسهل باب فِ الكيميا كلها 😀 مسائله خفيفة ومباشرة ومعادلاته قليلة
مش مطلوب منك أكثر من إنك تركز وتفهم كل كلمة وتحل كثير ✋وبالنسبة لإثباتات القوانين، غالبًا مش بتيجى غير للأزهر، بس إحنا بردو مطالبين بكل حاجة ولازم نحفظها علشان ندخل الامتحان وإحنا مطمنين 😊
- ❇ الكيمياء الكهربية :
باب مش صغير، محتاج فهم وحفظ، لو مفهمتش الحفظ هيكون صعب وهتنسى الكلام بسرعة ✋⬅ علشان تفهم معادلاته لازم تفهم فِ الأول يعنى إيه أكسدة وإختزال .
⬅ ركز قوى على تطبيقات الخلايا الجلفانية والتجارب والرسومات علشان لازم ييجى منهم فِ الامتحان👌⬅ كمان ركز على إثبات قوانين فاراداى، واطمن من ناحية المسائل بتكون سهلة وواضحة 😀
وأخيرًا وصلنا للباب الأخير والأهم على الإطلاق👇 :
- ❇ العضوية 😎
باب حلو ولذيذ بس محتاج مننا شوية حاجات⏬⬅ ذاكر الدرس أول ما تاخده علشان الشرح بيتبخر 😂 .
- ⬅ ذاكر النظرى اللي فِ أولها كويس جدًا علشان هيساعدك فيها قدام .
- ⬅ جمّع المعادلات فِ ورقة واربطها ببعضها واعمل مخططات .
- ⬅ كل م تذاكر عضوية اقرأ كل اللي فات بتركيز، فِ الأول ده هياخد منك وقت، بس لو عملت كده من أولها لآخرها هتوصل لمستوى هايل وممكن تخلصها كلها ف ساعة 😀
- ⬅ حل كثير جدًا وعلّم ع الاسئلة اللي فيها أفكار وراجعها✔
- ⬅ اهتم جدًا بالتجارب والرسومات علشان غالبًا بييجى منهم واحدة فِ الامتحان .
- ⬅ اتعامل مع المعادلات بفهم واكتبها كذا مرّة وانطق أسماء المركبات مش الرموز واعرف إيه اللي حصل فِ المعادلة متحفظش✋
الخلاصة 😀
- ⬅ الكيمياء مادة فهم قبل م تكون حفظ، امتحانها بيكون سهل والأسئلة مكررة من السنين اللي عدت بس بقى بيركز على جانب الفهم أكثر وممكن يغير صيغة الاسئلة زى م عمل فِ امتحان 2017 ✋
- ⬅ اعمل كراسة جمّع فيها المعادلات وممكن نراجعها وإحنا فِ المواصلات بدل الوقت اللي بيضيع فِ الهوا ده 😀
- ⬅ اعمل مخططات للمعادلات وحطها فِ مكان بتشوفه دايمًا
- ⬅ حل واتعامل مع كل أنواع الاسئلة ومتسيبش حاجة وتقول مش هتيجى، او لإنها مجاتش فِ امتحان قبل كده نسيبها✋ اللي بيحط الامتحان ماشى بمبدأ " أنا محدش يتوقعني😂 "
- ⬅ راجع كثير، كثير، كثير جدًا 😀 الكيمياء مش بتيجى غير بالمراجعة .
- ⬅ اهتم جدًا بكتاب المدرسة وأسئلته، وبالنسبة للمسائل اطمن مش هيجبلك أفكار غير اللي اتدربت عليها طول السنة، بتكون سهلة ومضمونة✌
- ⬅ اعمل ملخص لكل باب اكتب فيه التعريفات لوحدها والتعليلات لوحدها والمعادلات لوحدها، وأفكار المسائل والرسومات، هيوفرلك وقت كثير فِ المراجعة 😀
- بالنسبة لمصادر المذاكرة والحل 😀
- هنذاكر من كتاب المدرسة 📖 أو أى مذكرة انت بترتاحلها بس اتأكد إنها كاملة✋
- والحل أفضل كتابين فيهم اسئلة كتير وأفكار جديدة ومختلفة ⬅ كتاب الامتحان وكتاب الأستاذ .
طب لو مفهمناش جزء معين فِ أي باب نعمل إيه❕؟
اليوتيوب هو الحل 😀
اليوتيوب هو الحل 😀
ف الآخر الكيمياء سهلة جدًا وناس كثير بتقفلها كل سنة ووارد جدًا تكون واحد منهم لو مخفتش منها واعتبرتها مادة عادية لما نجتهد هنلاقي فيها بإذن الله 🙂 .
إرسال تعليق